驚還驚,始終都要去照

等了很久,由早上9時等到差不多11點才照,換言之,足足驚了2個鐘,不過比起預期中已經無震得咁厲害,可能是見到有咁多人同我一齊照的原因吧!佩服那些婆婆照完後咁鎮定,好似完全無事,我就唔得啦!d護士都好好人,我話想聽住mp3照無咁緊張,佢地直頭話開音樂比我,真係好..

照既時候第一個感覺是好想嘔返條喉出黎,一吞入去個下完全想像唔到佢可以再入胃同十二指腸,我好想問醫生"條'野'咁粗(我覺得),係食道已經咁唔舒服,乜仲可以再入咩",係我咁諗的時候,佢已經去了胃,仲係個度攪下攪下.成個過程完全feel到晒.其實當時都覺得頗辛苦,d眼淚不自覺係咁流..

照完之後個喉嚨真係會腫腫地,而且吞野就痛,希望好似張紙咁講,1,2日之後就會冇事啦!而家不倫報告係點,起碼個人都鬆晒,好多謝某L陪我,好彩有佢都冇咁驚,朋友果然好重要